கடிகாரமும் என் அம்மாவும்

காலை ஏழு மணி
காபி வாசனை
அம்மா கையில் என் காபி
காலை பதினொரு மணி
டீ வாசனை
அம்மாவின் கையில் என் டீ
மாலை நேரம்
டீ வாசனை
மணி நாலாகதான் இருக்கும்
வீட்டிலிருந்த அத்தனை நாட்களும்
இருபத்தோறு வருடங்கள் இப்படியே
நன்றி அம்மா

தீராத விளையாட்டுப் பிள்ளை

அருகில் வந்து
ஆசையாய் ....

அம்மா...
இரு கரங்களாலும்
என் கன்னங்கள்
மென்மையாய்ப் பிடித்து

தலை தூக்கி
உன் அன்பு முத்தம் ...

ஆஹா எவ்வளவு
பாசமான பிள்ளை
இரண்டு வயதில்
எவ்வளவு தெளிவு

பிறரின் பாராட்டு
என்னை
மெய் மறக்கச்
செய்யவில்லை
உன் முத்தம் கூடத்தான்

எனக்குத்தானே தெரியும்
நீ அடுத்து செய்யபோகும்
பொல்லாத குறும்புக்கு
லஞ்சம் இதுவென்று

தீராத விளையாட்டுப் பிள்ளை
ஆம் அது நீயே... தான்

முயற்சி

முயற்சி செய்வதும்
தோற்பதும்
ஏன் வெல்வதும் கூட
மிகச்சாதாரணம் தான்
அவை மற்றவர்களுக்கு
நிகழும்போது

முயற்சி செய்வதும்
தோற்பதும்
இடியாய் இறங்கும்
நமக்கு எனும் போது

நீ தனித்தீவில்லை
தோல்வியின் விளிம்பில்
திசை தடுமாறி நிற்க

இன்று வென்றவர்
கதை அநேகம்
அவர்கள் தழுவிய
தோல்விகள் ஏகம்

முயல்வதும்
வெல்லும் வரை

அயராது முயல்வதுமே

வெற்றிக்கு விலாசம்

உன்னைத் தயார் செய்
வெல்வதற்கு
மனதையும்
அறிவையும்
உடலையும்
ஆன்மாவையும்
தயார் செய்

தனி ஒரு செல்லாக இருந்து
கருவறையில் வளர்ந்து
பின் பிறந்து
ஒரே வருடத்தில்
குப்புற படுத்து
மண்டி போடு
கை ஊன்றி
கால் பதித்து
தட்டு தடுமாறி நடந்து
பின் நன்றாகவும் நடந்து
பேசவும் கற்றுக்கொண்டு .....

உனக்கா முயற்சியில்லை?

எழு மனந்தளராதே
இன்னும் கொஞ்ச தூரம் தான்
வெற்றியை நெருங்க

வெற்றி உனக்கே!

என் இனிய தோழி

பிறை நுதலாள்
வேல் கண்ணாள்
முல்லை புன்னகையாள்
கரும்பினிய மொழியாள்
வெல்லம் பொன்ற மனத்தினள்
சிந்தனை சொல் செயல்
யாவும் ஒன்றானவள்
நேர நிர்வாக ஆசிரியை
நிகழ்கால சாதனை மங்கை
உன்னிடம் கற்றுக்கொள்ள
ஏராளம் உண்டு
உன் தோழமை தரும் இதம்
சொல்ல வார்த்தைகளில்லை
உள்ளங்கை நெல்லிக்கனி போல்
உன் நட்பு
எங்கோ பார்த்தது போல்
ஒரு எண்ணம்
எப்போதோ பழகியது போல்
ஒர் நினைவு
கடவுளுக்கு நன்றி
நீ வாழ்வில் எல்லா நலமும்
பெற்று பல்லாண்டு வாழ
என் வாழ்த்துக்கள்
என் இனிய தோழி....... ஹேமா.

இதழ்கள்

மென்மை
அழுத்தமான நிறம்
குவிந்திருக்கும் போதும் அழகு
மலர்ந்திருக்கும் போதும் அழகு
நாளெல்லாம் பார்த்துக்கொண்டெ
இருக்கலாம்
கைளிலும் அள்ளிச்செல்லலாம்
போகும் வழியெல்லாம்
நிறைந்திருந்தாலும்
காதலியே உன் முகத்தில்
இருக்கும் இதழ்களை
பார்த்து எத்தனை
போட்டியும் பொறாமையும்
அவற்றுக்கு

வெங்காயம்

ஆமாம்...
நான் ஒன்றுக்கும்
உபயோகம் இல்லை தான்
உரிக்க உரிக்க
ஒன்றுமே இல்லை தான்
ஆனால்
உரித்துக்கொண்டெ
நீ ஏன் அழுகிறாய் ?

ம்ம்ம் ....?

அதிகமா வெய்ட் போட்டுட்டேனோ?

மம்மி நான் ரொம்ப பிஸி

சரி சரி வரேன் ....வரேன்
ரூம்ல தான் பேப்பரை தொட விட மாட்டேங்குராங்க......
இங்கயாவது உக்காந்து படிக்கலாம்னு
பாத்தா......
எப்ப தான் எல்லாம் தெரிஞ்சுகிறது?

ஹா ஹா

இதை க்கொண்டு போய் காட்டி
நான் நிலாவுல நடந்தேன்ன்னு சொன்னா
ஃப்ரெண்ட்ஸ்லாம் நம்பிடுவாங்க தான்
ஆனா முகத்துக்கு மட்டும் ஒரு மூடி
போட்டிருந்தா ஸ்பேஸ் ஸூட் தான்னு
தைரியமா புளூகலாம்...

அப்பாச் ச்செல்லம்

ம்ம்ம்...... இது எங்க டாடி

அருவி

ஓடி வந்து குதித்து

தற்கொலை செய்து கொள்ள

அப்படி என்ன சோகம் உனக்கு?

ஓ உன் கடற்க் காதலனை காண

வேகமாக போகிறாயோ?

என் மகனின் விளக்கம்

தம்பி "அது குண்டூசி அதில் விளையாடதே"
"சரிம்மா அப்ப ஒல்லி ஊசியில் விளையாடலாமா?"
நான் சிரித்துக்கொண்டே
அதென்னடா ஒல்லி ஊசி?
ஆமாமம்மா தெரியாதா?
தலை குண்டாக இருந்தா அது குண்டூசி
அது ஒல்லியாக இருந்தா ஒல்லி ஊசி
அப்புறம்மா..... எனக்கு ஒரு சந்தேகம்
அது குண்டாகவே இல்ல
அப்புறம் ஏன் குண்டூசின்னு பேர் வந்தது ?
நான் சொன்னது தான் சரி
இல்லம்மா?
அதுவும் சரிதான்
குழந்தைகளிடமிருந்து
நாம் கற்று கொள்வது தான் அதிகம்

மழலை

உன் அழகு முகம்

உன் சிரிப்பின் வசீகரம்

உன் குழிவிழும் கன்னம்

மட்டும் எப்போதும் நினைவில்.....

இது தவிர

உன் குறும்புகள்

உன் அழுகை

உன் வம்புகள்

உன் பிடிவாதம்

இவை அணைத்தும்

மறந்தே போய் விடுகின்றன

கண்ணா நீ உறங்கும் போது